Las suandontas occurenzas han liug ell’Ustria Cruna
| Treppa ella Cruna |
18-05-2024, 19:00 uras, infos/reservaziun |
Occurenzas vargadas (2023)
Cun la fin digl onn ha giu liug la „Western – party“ & da Silvester ha Sur Saji cuschinau specialitads dallas Indias. Omisduas occurenzas han delectau nos hosps zun fetg. Bien engraziament per quella coola finiziun digl onn 2023.
lgl onn 2023 ha gia purtau massa bialas uras a nus. Suenter il bi temps da Daniev e tscheiver vein giu el mars igl usitau gentar da „Treppa“. In ustria pleina, sco era numerus take-aways han schau gustar il bien gentar.
Irish night
La „Irish night“ egl uost ha purtau a nus hosps neu da dapertut. La musica irlandesa ei stada grondiusa e las specialitads han gustau zun fetg. Igl ei stau in cumplein success. Nies musicant Dara McNamara ha gudiu cun nies grondius publicum. Cheu anfleis infos dad el: daramcnamara.ch
Occurenzas vargadas (2022)
Igl onn 2022 ei staus in bi e variont onn. Puspei ha nossa biala terrassa engrondida carmalau bia hosps la stad tier nus. Hosps che apprezieschan la cuschina „Prest sco a casa“ ni in dals buns „Coups da glatsch“ ni nos „Drinks da stad“ cun ni senza alcohol. Da Venderdis sogn han ils „Pèschs maghers“ puspei tratg ils amitgs dallas spisas veglias tier nus ell’ustria. Biars han e gudiu da prender „Take away“ il menu. La spisgias veglias sco „treppa“, „Franz en pegna“ e biaras autras ein giavischadas igl entir onnn o puspei. Igl atun ein ils menüs „En aisch“ stai tschercai e biars hosps han gudiu il bi e bien temps tier nus. Igl onn ei ius a fin cun nies tradiziunal „Fondue Chinoise“.
In cordial engraziament a tut ils hosps da datier e da lunsch – vus essas prima! Yvonne & team
Occurenzas vargadas (2021)
Igl onn 2021 ei staus specials en tuts graus. Il „take away“ ei staus appreziaus zun fetg. Cun in „Hit dall’jamna“ vein nus saviu purtar bein enqual bien e delecetus menu a casa tier nos hosps. Da Venderdis sogn han ils „Pèschs maghers“ tratg biars amitgs dallas spisas veglias, semplas denton bunas.
La fiasta dalla „Casa Lechmann“ ha e procurau vid stad per bia veta silla terrassa provisorica ed en ustria. La terrassa ha purtau – muort la mediocra aura – l’entira sesiun bia bialas uras e sentupadas e purschiu plaz a biars hosps che han gudiu igl „ambiente“ sco da vacanzas.
Igl atun ei segir ils dis dad „en aisch“ stai il hit. Adina puspei vegn gudiu bialas seras da cumpignia cun buna spisa. Per la finiziun digl onn hai dau la tradiziunala sera da S. Silverster cun ina buna tscheina ed in bien sitg. Nus vein gudiu las bialas uras cun vus buca mo la sera dils 31-12 mobein duront igl entir onn ora.
In cordial engraziament a tut ils hosps da datier e da lunsch, Yvonne & team
Occurenzas vargadas (2020)
| Mario Pacchioli
|
Ei dat bu plaids – stau in deletg musical – Engraziel fetg Mario Pacchioli per presentar treis bellezia concerts. Engraziel era fetg a tuttas e tuts che han visitau in dils concerts e gudiu emoziuns, spisas veglias, bialas e divertentas uras cheu ella Cruna. Nus havein giu grond plascher! Sin seveser ad ina proxima occasiun.
|
| Carta da menü
Foto Y. Monn |
Dapi la stad vein nus nossa pintga carta „Aissa da lenn“. Quei ei stau il hit e schia salvein ella vinavon. Engraziel a tuts hosps da datier e da lunsch per las visetas. |
Occurenzas vargadas (2019)
| OASA – gruppa da termagliar d’affons | La gruppa da termagliar dalla vischnaunca da Sumvitg ha visitau la Cruna ils 6 da december per far „Umets da pasta“. Cun grond plascher e bia fantasia han ils affons smaccau pasta e formau ils umenets. |
Impressiuns
| Menu en aisch | Duront il meins november 2019 han giu liug las seras ed ils gentars tradiziunals en aisch. Nus vein giu grond plascher d’astgar beneventar hosps da lunsch e damaneivel. |